Wala labot sa sinakuay nga construction sa the Upper East nga township sang Megaworld sa east portion sang Bacolod City…
May ika apat pa gid nga condominium tower nga igatukod diri. Ini ang Herald Parksuites- 12 storey tower nga may 246 ka mga units.
Ang kinalaian sini kay ang kada unit ang may wireless smart home system. Ang pagpa andar sang suga, aircon kag appliances.
Sa paglunsar sang herald parksuites, sa karon may kapin sa isa ka libo ka mga condominium units ang Megaworld sa Bacolod.
Sang 2018 ginlunsar ang One Regis kag ang second tower sang madason nga tuig. Sang 2020 naglunsar pa gid sila sang One Manhattan.
Suno sa kay Harold Geronimo, ang senior assistant vice president kag head sang public relations and media affairs sang Megaworld, 35 billion pesos ang investment sang Megaworld sa Bacolod sa sulod sang napulo ka tuig.
28 billion pesos para sa township project sa the Upper East kag 7 billion pesos naman sa Northhill Gateway nga naga lakip sang Forbes Hill kag McDonalds nga ika duha sa may pinaka mataas nga sales
sa tanan nga Megaworld owned McDonalds sa pilipinas. Kag ini ang nangin is na ka destination.
Sa the Upper East naman, madamo pa sang inugpatukod ang property giant. Sa madason nga tuig paga buksan sa publiko ang 8 lanes nga dalan nga maga angut sang Lopez Jaena Street kag Circumferential Road.
Sa subong may kwatro mil na tanan ka mga Negrense ang natagaan sang trabaho bangud sang padayon nga construction sang kumpanya kag sarang pa gid ini madugangan pa samtang naga padayon man ang ila nga construction sang iban pa gid nga mga tower.