Kapin P10 ang saka sa kada litro sa presyo sang krudo sa masunod nga semana, base sa ikaapat nga adlaw sang trading sa World Market.
Magasaka man ang presyo sang gasolina sa kapin P5 per liter, kag ang kerosene naman sa masobra P7 kada litro.
Ginsiling ni Atty. Rino Abad sang Department of Energy kun amo sini kadako ang pagsaka sa presyo sang mga petroleum products, maga-request sila sa mga oil companies nga kun pwede staggered ukon amat-amaton lang ang implementation sang fuel price increase sa sulod sang isa ka semana.
Posible nga igapatuman ang tunga sang saka sa bili sang petroleum products sa Martes, Setyembre 22, kag magadepende sa oil companies kun ano ang masunod nga adlaw next week nga ila mapatuman ang nabilin sa fuel price increase.
[sibwp_form id=1]