Wala maubos ang P80M nga pondo nga gintalana sang siudad sa Bacolod para sa Comprehensive Health Program sang nagligad nga tuig.
Gani ginatun-an karon sang Committee on Health ang pag-amend sang ordinansa agud indi na limitahan ang ginahatag nga medical assistance sa mga BacChP patients.
Sandig sa ordinansa P15,000 ang ayuda nga ginahatag sang siudad sa mga pasyente pinaagi man sa lima ka mga private hospitals.
Nagalaum si Councilor Claudio Puentevella nga kun matigayon ang pagligwat sang ordinansa madamo pa nga mga BacCHP cardholders ang makabenepisyo.
Target man sang siudad nga sa sini nga tuig mapanagtag ang 50,000 ka mga BacCHP cards.