Shadow

MBCCI ma file sang appeal sa RTWPB-6 angut sa bag-o nga wage order

DOLE-6 photo

Sa Lunes maga file sang appeal ang MBCCI sa Western Visayas Regional Tripartite Wages and Productivity Board sa pag recall sang pagpatuman sang bag-o nga wage order.

Suno kay Frank Carbon ang chief executive officer sang Metro Bacolod Chamber of Commerce and Industry sa Lunes iga file nila sa Iloilo ang notice of appeal lakip na ang memorandum of appeal kun sa diin napatpat ang mga rason kun ngaa ila gina hinyo ang pag bawi sang wage order nga naga mando sang 55 tubtob 110 pesos nga saka sa sweldo sa Western Visayas.

Ang 110 pesos nga dugang nga saka nagakasayuran sang mga tres mil pesos nga dugang nga sweldo ilakip na ang mga adjustment man sa ginabayaran sang employer sa SSS, PhilHealth, kag Pag-Ibig nga kun lantawon tuman ka bug-at na para sa magagmay nga negosyante suno kay Carbon.

Mga 90 tubtob 95 porsiento ang mga magamay nga negosyante sa probinsya suno sa iya. Ang mas kabalak-an nga mahimo may mga maga panira bangud sini.

Suno kay Carbon, gina hinyo nila ang review. Wala sila naga pamatuk sa saka sa sweldo kundi lantawon ang kantidad nga masarangan man sang mga negosyante labi na nga wala pa katibawas sa pandemic.

Damlag pa nagpamatuk na ang partido ng manggagawa sa plano sang mga negosyante nga paghinyo sang pagpaiway sang pagpatuman sang wage order lakip na ang paghinyo sang exemption para diri. Ini sa tunga man sang sitwasyon sang mga trabahante.

Secured By miniOrangeSecured By miniOrange