Mayoriya sang mga kongresista sa Negros Island Region ang nag lagda sang Manifesto of Support para kay House Speaker Martin Romualdez.
Suno kay Negros Occidental 4th District Congressman Jeffrey Ferrer, walo sa 11 ka mga mamalidha sa Negros Occidental, Oriental kag Siquijor ang nag lagda.
Si Negros Occidental 6th District Representative Mercedes Alvarez ang wala naka pirma bangud kinahanglan niya nga mag pa airport bangud sang family emergency pero iya ginpahayag ang suporta para sa kay Romualdez.
Si Bacolod Lone District Congressman Alfredo Abelardo Benitez nga independent kag iya nga anak nga si 3rd District Congressman Javier Miguel Benitez ang wala naglagda sa manifesto.
Nakasaad sa manifesto nga kumbinsido sila nga si Speaker Romualdez ang tigayon makahatag sang stability kag liderato nga kinahanglan agudto tigayon nga mabaton sang NIR ang matuod-tuod nga benepisyo nga naga lakip sa patag sang infrastructure, mas mabakod nga local governance kag mga kahigayunan sa tagsa ka komunidad sa duha ka isla.
Ini sa tunga sang panawagan nga naga gwa sa pila ka sektor lakip man mismo gikan sa pila ka katapo sang kongreso nga ilisan si Romualdez bangud sa kontrobersiya sa budget kag mga gina kwestion nga proyekto.
Suno kay Rep Emilio “Dino” Yulo sang 5th District sang Negros Occidental nga isa sa mga nag lagda sang manifesto of support, dako ang nabulig ni Speaker Romualdez sa iya nga distrito labi na sang ma igo ini sang kalamidad kaangay sang pag baha kag sang mag lupok sang bulkan Kanlaon. Kun may pagkambyo man sa liderato dapat ini mangin collective stand sang katapo house suno kay Yulo.
Si Congressman Javi nagsiling nga naga pabilin siya sa majority. Sa pagbukas sang congress nagboto siya kag Romualdez. Sa isa ka press conference nga gin patigayon, suno sa iya ginhambal nga battlefield ang Negros bangud may posibilidad nga mangin House Speaker si Congressman Albee. Pero suno kay Javi wala man gani nakapahayag si Congressman Albee nga siya ang maga papili bilang Speaker.
Sa pahayag nga ginpagwa ni Congressman Albee, iya ginsiling nga naga pabilin siya sa position nga indi magsuporta kay Romualdez. Ang padayon nga pagsuporta sa iya suno kay Albee kasubong lamang sang pag condone kag pag protect kay Romualdez nga kun tulukon naga pabilin nga unresolved ang mga issues kaangay na lamang sang ghost projects kag kwestionable nga mga budget insertion.
Nahangpan man ni Congressman Albee ang panindugan sang kaupod nga mga kongresista pero sa iya nga bahin gina pakamaayo niya ang pag uphold sang integrity kag accountability sa kongreso.
Voice of Rep Jeffrey Ferrer – 4th District, Neg Occ
“Sang Friday gin pa gwa, nakita naman ni Speaker ang support.
Voice Rep Emilio “Dino” Yulo – 5th District, Neg Occ
“On our side, nakita man naton kun ano ang nahatag nga suporta ni Speaker particularly kun may kinahanglanon ang ika lima nga distrito, so rightful man nga ako maga hatag sang suporta sa iya”.
Voice of Rep Javier Miguel Benitez – 3rd District, Neg Occ
“Well I understand where they’re coming from. It’s because they also want to protect their interest, whatever that may be”.