Kabankalan Mayor Pedro Zayco ang nag positibo sa Covid-19.
Suno kay Kabankalan city administrator, Higino Sixto Garaygay, Domingo gin-swab ang alkalde kag Lunes sang kaagahon nabaton nila ang iya nga resulta kag ini siya ang nag positibo sa virus.
May ginbatyag ang alkalde sa iya nga tutunlan, kag karon yara na ini sa pribado nga ospital suno kay Garaygay.
Sang Sabado, isa si Zayco sa nagtambong sa Love Negros nga meeting sa Nature’s Village sa Talisay City kaupod ang mga opsiyales kag iban pa gid nga katapo sang partido. Nag isolate na ang lideres sang partido nga nanday Governor Eugenio Jose Lacson kag anay congressman Albee Benitez.
Sila ang magapaidalom sa swab test sa Hwebes. Ginahaylo nanday Lacson kag Benitez ang iban nga mga kaupod sa amo nga pagsapol nga mag isolate kasubong man mag paidalom sa swab test.
Padayon naman nga bukas ang talatapan sang Governor’s Office suno kay Lacson.
Sirado naman ang City Mayor’s Office sang Kabankalan kag maga paidalom sa swab test ang mga personnel sa Miyerkules.
“All attendees sa Love Negros will have to isolate till Thursday. Sa Thursday everybody will be swabbed. I got my negative result yesterday. But then I still need to isolate myself till Thursday (all the others should isolate?) do the same,” suno kay Benitez.