Halos kumpleto nga nag panumpa ang tanan nga mga nagdalaog sa siudad sang Himamaylan kay Negros Occidental Governor Eugenio Jose Lacson kaina sang aga.
Nagsipak man sila ni Vice Mayor Justin Gatuslao sang nagligad nga piniliay suno kay Mayor Raymund Tongson wala siya sang may nakita nga problema sa ila upod nga pag trabaho liwat.
Suno kay Tongson dapat lang nga mahangpan sang tanan nga natapos na ang piniliay, tanan sila mga public servants kag tanan man mga politician.
Gani nagakaigo lamang nga sin-o man ang ila nga mangin katupad, pwede gid mag-upod para tigayon ila ma dul-ong sa pumuluyo ang ila nga ginpromisa sa ila.
Isa lamang suno kay Tongson ang konsehal nga wala naka upod dungan sila nga nga pagpanumpa sa gobernador, kag mahimo ang ang kapaslawan sa personal nga rason.
Suno kay Tongson humalin pa man sadto civil na ang relasyon niya sa pihak nga partido.
Duha man ka eleksyon nga updanay si Tongson kag Gatuslao sa idalom sang TOGA nga kampanya.
Tuyo niya ang pag pahamtang kag paghuman sang pila ka mga proyekto sa Himamaylan sa iya nga ikatlo nga termino nga naga lakip sang coliseum kag auditorium kasubong man sang paghuman sang puerto nga gina paabot mangin operational sa katapusan sini nga tuig.