Himamaylan City ang isa sa mga LGU kun sa diin may barangay nga gin recommend sang militar nga malakip sa listahan sang areas of concern angut sa sini nga piniliay.
Suno kay Himamaylan City Mayor Raymund Tongson indi gid man maibitar nga may mga areas nga mangin mainit sini nga barangay kag SK Elections.
Pero klaro niya wala man naga kasayuran nga ang bilog nga 19 ka mga barangay sang siudad ang may mainit nga sitwasyon.
Mga nalakip lamang diri ang mga barangay sa nabukid nga bahin bangud man sang presensya sang mga armado kasubong man suno kay Tongson ang mainit nga pag kontrahanay sang mga maga kandidato sa pila ka barangay.
Pero, iya nga gina sapol kag gina istorya ang mga incumbent barangay officials kasubong man ang mga naga papili nga dapat tinguhaon nila ang pag patuman sang malinong nga eleksyon.
“Gina area per area namon sila, evenCampaigning in social media sang sina. May ara kita coordination per barangay. Kag may ara man ta coordination with incumbent officials. Depende na kis-a sa personalities nga involved. Ang importante we will do our job as the government of Himamaylan, updan sang PNP, updan sang COMELEC para ma implementang peace and order”, suno kay Tongson.
Sini lamang patay ang isa ka drayber sa isa ka shooting incident.
Bagay nga suno kay Tongson sa iya report nga nabaton ang mahimo may kaangtanan sa pulitika.
May persons of interest na sila pero kay padayon ang pag pangusisa gin paiway na ni Tongson ang pag hingalan sa natungdan.