Anay Silay City Mayor Jose Oti Montelibano kag 25 ka iban pa ang na-acquit sa kaso kriminal nga ginpasaka batuk sa ila may kaangtanan sa computerization sang sistema sa Silay City sadtong 2008.
Ini nga bagay ang gin abi abi ni Montelibano. Kasubong sang daw nahaw-asan siya suno sa iya gikan sa akusasyon kag harasment nga natabo.
Vindication naman para kay Atty Kara Aimee Quevenco ang nangin acquital sang Second Divsion sang Sandiganbayan sa kaso batuk sa ila, nga ginpatigayon via online. Si Quevenco sadto anay ang City Legal Officer kag pamuno sang Bids and Awards Commitee sang Silay.
Ilakip kay Montelibano, kag iban pa gid nga elected officials, 28 tanan tanan ang ginpasakaan sang kaso administratibo kag kriminal nanday Lyndi Chan kag Jojo Sumiller sadtong 2009 sang ginpatuman sang LGU ang pag integrate sang systems sini sa business processing, city assessors, accounting kag permits.
Pagsupak sa Anti-Graft ang Corrupt Practices Act ang ginpasaka nga kaso kriminal bangud suno sa mga tagreklamo wala nag agi sa bidding ang proyekto nga naga balor sang 18 milyones pesos.
Direct contract ang ginsudlan sang siudad sa SPIDC.
Na dismiss sang 2019 ang kaso administratibo.
Nalakip man sa ginkasuhan si anay Vice Mayor Mark Golez pero ang kaso batuk sa iya ang damlag pa na dismiss na.
Ang isa sa 28 nga gin pasakaan sang kaso nga si anay Councilor Warlito Go ang nagtaliwan na.
Gani sa kabilugan suno kay Quenvenco 26 sila ang na acquit.
Nagtaliwan naman ang mga tag reklamo.