Shadow

Mayor Montilla sang Isabela nagpaathag kun ngaa 2,800 lang ang nakabaton sang bulig pinansyal sa mga nahalitan sang Bagyo Odette

Capitol photo

Halos 3,000 ka mga pamilya sa banwa sang Isabela nga na apektuhan ni Bagyo Odette ang nagbaton sang financial assistance gikan sa National Housing Authority.

Pero, suno sa alkalde sang banwa madamo sang reklamo bangud madamo ang wala makabaton sang bulig.

2,894 ka mga pamilya ang nagbaton sang tig 5,000 nga cash gikan sa NHA.

Sa kabilugan, 14,470,000 pesos ang pondo nga gikan sa NHA ang na-relase sa banwa.

Pero, suno kay Mayor Irene Montilla, may 14,000 ka pamilya ang na apektuhan sang Bagyo Odette, ang iban sa ila partially damaged ang puluy-an kag iban totally destroyed.

Sa guidelines sang NHA, ang may totally destroyed houses lamang ang pwede makabaton sang assistance.
Tanan ang na lista suno sa iya pero wala na validate gani yara na sa DSWD ang maapaathag sa mga naga reklamo suno sa iya.

2.7 million pesos bulig nga nag abot gikan sa national government para sa Odette victims suno kay Montilla kag ini ang tuman ka gamay.

Pero, dugang niya, mahimo man nga kay tungod wala na paidalom sa state of calamity ang banwa apesar sang halit nga natuga sang bagyo kag sang resolution sang DRRMO para diri, amo kun ngaa nangin magamay ang bulig nga nag abot.

Ang bulig gikan sa probinsya, pila ka mga senador kag mga grupo suno kay Monitilla ang ila nga ginbahin bahin damlag pa agudto maka ambit man ang tanan.

Secured By miniOrange