Binalbagan Mayor Alejandro Mirasol nagpagwa sang public advisory nga wala sang bayad magkadto sa Hermit Mountain sa Barangay Biao matapos makabaton sang report nga may naga panukot magpadulong sa lugar.
Gin-post ni Mayor Mirasol ang screenshot sang reklamo sang isa ka netizen nga ginpabayad sang 150 pesos ang iya kaupdanan sa pagpadulong sa Hermit Mountain sa Barangay Biao.
Gina ayo lang sang ginsukot nga singkwenta pesos lang ang bayaran base sa post sang alkalde.
Kasunod sini nagpagwa sang public advisory si Mayor Mirasol nga naga pahibalo sa publiko nga wala sang dapat nga bayaran magkadto sa popular karon nga tourist destination sang banwa.
Paathag sang alkalde wala sang may gin-authorize ang banwa nga grupo ukon indibidwal nga mangolekta sang entrance fee sa lugar.
Gina finalize pa sang LGU ang mga rules and regulation pati na ang mga resolution sa Sitio Hermit.
Bangud sang sementado na nga dalan padulong sa Hermit Mountain, gindagsa sang mga turista ang lugar ilabi na kun weekend bangud nga puro kabukiran ang palibot sini.
Kabahin ini sang tourism highway nga gina himo sang DPWH padulong sa Bambi ukon Binadlan waterfalls.