Tandem ni Mayor Alejandro “Bebot” Mirasol sa banwa sang Binalbagan para sa 2022 elections ang iya asawa nga si Mary Ann.
Suno sa alkalde plastado na ang ila nga line-up kag tigayon na sila naka kuha sang Certificate of Nomination and Acceptance gikan sa United Negros Alliance ukon UNEGA.
Suno kay Mirasol, ang incumbent Vice Mayor nga si Ursecio Inodeo nga nagtal-os sa nataliwan nga bise alkalde nga si Samuel Gavaran ang maga papili bilang katapo sang Sangguniang Bayan.
Kun nag tandem man sila sang iya nga asawa suno kay Mirasol, qualified man ang iya nga asawa.
Ginapaabot ang pag bunggo ni anay mayor Emmanuel Aranda nga katapo man sang UNEGA kay Mirasol sa mayoralty race.
Samtang, ginpabutyag man ni Mirasol ang iya suporta kay Governor Eugenio Jose Lacson kag Vice Governor Jeffrey Ferrer para sa 2022. Kumporme siya sa ila nga panghimanwa labi na nga nag abot ang mga proyekto sini sa Binalbagan.
Damlag pa nagpabutyag man sang suporta si San Carlos Mayor Renato Gustilo kag Silay City Mayor Mark Golez sang suporta sa Lacson-Ferrer tandem.
“(Mayor ano ang response sang mga taga Binalbagan kay si Ma’am Mary ann ang vice mo?) waay gid man. Linong. (Indi man na issue sa ulihi kay daw duha gid kamo?) Kadamo na na gakatabo ah, mag-iloy, mag-asawa. Wala naman dynasty subong. She’s qualified.”