Shadow

Mayor Mhai bukas sa pagpapili bilang VG sa 2025

May naga gwa man nga istorya nga isa sya sa mahimo ginapilian para sa vice gubernatorial post para sa 2025, suno kay La Castellana Mayor Rhummyla Nicor-Mangilimutan bukas siya sa kun ano man ang mangin desisyon sang partido. Sa interview sang media kay Mayor Mhai-Mhai kaina sang aga, iya ginsiling nga priority niya ang pag padayon sang mga proyekto nga iya nasugdan sa banwa sang La Castellana.

May gina tukod nga ospital, college kag may sanitary landfill project sa La Castellana karon nga gina paabot maga bukas sa masunod nga tuig suno alkalde gani ang luyag niya nga ang maga bulos sa iya kaalyado niya man para mapasiguro ang ini nga mga proyekto.

Pero kun ano man ang mangin desisyon sang partido labi na ang para sa vice gubernatorial post sa 2025, suno sa iya yara na ini sa mga officials sang United Negros Alliance.

Kay naga gwa man ang iya nga ngalan nga mahimo sa sa mga paga pilian, bukas siya para diri. Kun qualifications ang paga hambalan qualified man siya suno sa iya.

Damlag pa ginsiling ni Vice Governor Jeffrey Ferrer nga presidente sang UNegA nga may tatlo tubtob apat ka ngalan sila nga gina pilian para sa vice gubernatorial post kasunod man sang iya na desisyon nga maga balik sa fourth district sa 2025.

“Kun kapasidad sang paga hambalan, nabal-an ta man na nga makasarang man ta. And maybe with my performance sa La Castellana, it’s proof nga kasarang ta guro, Para sa akon ya kun amo lang na nga position makasarang ko, ang pamangkot kun botohon ko sang pumuluyo”, suno kay Nicor-Mangilimutan.

Secured By miniOrangeSecured By miniOrange