Masubo man ang natabo sa pagtaliwan sang iya nga iloy, bangud sang Covid-19, suno kay Mayor Rhumyla Nicor – Mangilimutan ang natabo ang nag engganyo sa mga pumuluyo nga mag pabakuna kontra Covid – 19.
Suno sa alkalde, bangud nga may co-morbidity ang iya nga iloy nga si Punong Barangay Noime Neneng Nicor kag may edad naman wala nalampusan sini ang Covid-19. Wala ini nabakunahan.
May isa pa gid ka kagawad sa barangay nga si Mario Solar ang nagtaliwan man bangud sang Covid kag wala man mabakunahan suno kay Mangilimutan. Kalabanan nga napatay sa banwa sang La Castellana suno sa alkalde mga wala nabakunahan.
Nangin eye opener ang natabo rason nga madamo na karon ang naga pabakuna dugang niya.
Sa October 25 nga report sang Negros Occidental, 13 porsiento sa target nga mabakunahan ang nalab-ot sang La Castellana. Gina pabaskog sa karon sang banwa ang vaccination program.
Samtang, ang bise presidente sang Liga ng Barangay nga si Isidro Regie Arnaiz sang Barangay Puso, ang magatal-os kay punong barangay Nicor bilang presidente sang Liga.