Sa Talisay City, plastado na ang line-up ni mayor Neil Lizares kag iya nga mangin vice mayor sa 2022 nga piniliay ang sadto anay konsehal nga si Nicolai Jalandoni.
Suno kay Lizares, ang mangin katapo sang iya nga konseho amo man sa gihapon kag wala sang pagbag-o.
Si Lizares ang katapo sang Love Negros kag naga pungko sa karon nga bise alkalde nga si Samuel Siote ang katapo naman sang United Negros Alliance.
Suno kay Lizares, may impormasyon siya nga nabaton nga maga bunggo sa iya si Siote sa 2022 elections. Dugang pa niya may naga gwa man nga mangin kaupod ni Siote sa pag ka bise alkalde amo si anay mayor Eric Saratan.
Pero, suno kay Lizares, mapat-od lamang ini tanan sa tion nga mag file na ang tagsa-tagsa sang ila nga certificates of candidacy.
Suno naman kay Vice Mayor Siote, wala siya sang deklarasyon sa iya nga bahin nga maga papili bilang alkalde sa karon. Siya ang yara pa sa proseso sa pag istorya sa mga pumuluyo kag amo pa ang paghimo niya sang desisyon. Kun may mga sugilanon man nga naga gwa ini ang gikan sa pumuluyo suno sa iya. Wala naman sang kamatuoran suno sa iya nga maga-upod sila ni Saratan.
“Well si Siote, waay gid ko kabalo, sa nabal-an ko sang last (inaudible) siya kun madalagan sya vice mayor, but now he’s thinking of running mayor. Waay gid ko kabalo kun ano ang decision niya. But we will know gid after the filing na siguro. Wala gid kami kabati kay former mayor Eric. Pero te siyempre si Vice Samuel is floating basi siguro para ma kwa niya,” suno kay Lizares.
“Waay pa ko kabalo kun ano ang mangin resulta sini sa pag-abot sa pagsapol ko sa 27 ka barangay. Te dira ko dayon maka desiyon kay wala ko desisyon nga akon , kundi ga rely ko ya sa tawo. (kay ang bati-bati kuno vice nga ikaw ang ma mayor si Saratan ma vice mayor sa imo) actually ma’am kutso-kutso na ya guro nga istorya,” suno kay Siote.