Antes ginpatpat sang katapo sang Grupo Progreso ang ila plata porma pang gobyerno sa katapo sang media kahapon, isa isa anay nga ginpasalamatan ni Mayor Evelio Leonardia ang mga kaupod nga kandidato nga nangin instrumental sa kasagsagan sang Covid-19 pandemic.
Gintuad sang grupo ang ila mga prayoridad nalakip diri ang pandemic recovery projects nga naangut sa health and social services, economy and infrastructure development kag ang pagtukod sang smart city framework for local government.
Gindugang sang alkalde nga ang indi na nila kaupod sa grupo ang wala man may mahimo sang pandemic.
Sa tinalikdan nga debate, ginpamangkot man ni congressional candidate Dan Atayde sang GP kun ano ang nahimu ni re-electionist Congressman Greg Gasataya sang pandemic.
Sabat ni Gasataya, mahimu nga wala sa Bacolod si Atayde sang nagpalab-ot siya kag ang iya mga staff sang bulig sa mga nagakinahanglan.
Si Gasataya kag sanday incumbent Councilors Al Espino, Simple Distrito kag Bart Orola ang anay katapo sang Grupo Progreso nga nag-upod na kay mayoralty candidate albee benitez sa idalom sang Asenso Bacolod.