Pamplona Mayor Janice Degamo sa karon ang naga pangatubang sang disqualification complaint may kaangtanan sa iya nga residency.
Ginsiling naman sang COMELEC – NIR nga apesar sang disqualificiation complaint, naga pabilin sa karon si Degamo nga legitimate nga kandidato.
Wala pa nakabaton sang summons ang kampo ni Mayor Degamo sa disqualification complaint nga gin-file batuk sa iya may kaangtanan sa iya nga residency sa banwa sang Siaton karon nga siya ang naga papili bilang kongresista sa 3rd District sang Negros Oriental.
Suno sa abogado ni Degamo nga si Andrei Bon Tagum, ulihi na nga semana sang Abril sang na file ang reklamo kag sila ang naga pati nga ini ang isa ka political propaganda.
Wala man gani sila nakahibalo kun sin-o ang nag file sang disqualification complaint.
Suno kay Tagum, May 6, 2024 sang nag pa rehistro bilang botante sang Siaton si Degamo gani nakumpleto sini ang gina require nga one year residency para siya ang maka papili bilang kongresista sang 3rd District.
Dugang pa ni Tagum may balay sa Siaton ang mag-asawa nga Degamo, may negosyo pa gid ang mag-asawa sa lugar.
Sa Siaton mismo nalubong ang anay gobernador.
Ang pagsaylo ni Degamo sang residence samtang naga pangalagad bilang alkalde para makapapili sa lain nga pwesto suno kay Tagum ang gina tugot sang laye.
“wala pang summons. Ang mag ti-trigger kasi para ma require si mayor janice degamo na mag-file ng answer ay summons. Sabi ko nga the Comelec is very busy, siguro baka tinitingnan din yung petition, eh baseless naman, kasi ang Comelec they already know Supreme Court jurisprudence. Alam naman nila yung iba’t ibang mga kaso, na sinasabi ng Supreme Court na wala namang pagbabawal diyan na tumakbo as a congresswoman”.suno kay Tagum.
Ginsiling naman ni COMELEC NIR Director Atty Lionel Marco Castillano nga wala man gani sila sang kopya sang reklamo kay ini ang gina-file direkta sa Manila.
Sa tion lamang nga makabaton na sang summons ang gina reklamo nga partido kag maka file man ini sang sabat. Madugayan pa ang kasubong nga reklamo suno kay Castillano.
Sa karon naga pabilin nga legitimate nga kandidato si Degamo.
“Yung disqualification is first, sa first division yan, tapos kung manalo, matalo, pwede mo pang ma akyat sa enbanc for motion for reconsideration. If mag decide ang en banc you could still go to the Supreme Court for TRO. I-appeal mo rin sa Supreme Court. Sa ngayon she is still a legitimate candidate”, suno kay Castillano.