Sa video ni Jayson Margaha Villanueva Jr., makita nga nagdasok sa nawasak nga taklob sang manhole ang panguna nga ruyda sang isa ka motorsiklo nga nagalabay sa dalan Araneta sa atubang sang Gaisano City sa Barangay Singcang-Airport sa Bacolod City.
Iya sang Department of Public Works and Highways ang amo nga manhole.
Matapos sini, gilayon nga nagpakig-angut si Mayor Greg Gasataya sa DPWH agud sigurohon nga maislan gilayon sang mabakod nga taklob ang amo nga manhole.
May ara sang nagapadayon nga road construction kag kun kis-a nagatuga ini sang mahinay nga lakat sang traffic.
Suno sa alkalde, madamo na sang mga reklamo nga nabaton ang siudad may angut sa amo nga road construction, rason nga ginahaylo niya ang DPWH kag ang contractor sang amo nga proyekto nga magbutang sang mga safety signages agud malikawan ang mga kaangay nga insidente.*
[sibwp_form id=1]