Ginpirmahan ni Mayor Greg Gasataya ang Executive Order No. 015 Series of 2025 nga nagatukod sang City Road Clearing Task Force.
Base sa EO, ang task force ang magahawan sa mga makabig nga road obstruction kag illegal structure nga nagalakip sang iligal nga pagbaligya sa higad sang dalan, indi otorisado nga pag park sa higad sang dalan kag iban pa nga sablag sa dalanon kag sa alagyan sang mga pedestrian.
Sang kahapon, Lunes, ang City Legal Office Enforcement Team sa pagpanguna ni retired PCol. Levy Pangue ang nag hawan sang sidewalk aa gwa sang ETCS 2 gikan sa mga vendors. Napuno na abi ang sidewalk sang mga manugbaligya.
Mangin obligasyon naman sang barangay ang pag-maintain sang ginhawanan nga lugar agud indi na magbalik ang mga nagasablag diri.
Ang City Engineer’s Office kag Bacolod Traffic and Transport Management Department ang magaupod sa pag-patuman sang clearing operation kag maga-submit sang monthly accomplishment report sa Office of the Mayor kag Vice Mayor.
Si Pangue ang ginbutang nga focal person sang Task Force.