Nagpadala sang sulat si Bacolod City Mayor Greg Gasataya kay Education Secretary Sonny Angara agud mangayo sang bulig sa pagkay-o sang mga classrooms sa pampubliko nga buluthuan nga nagkalaguba bangud sang Bagyo Tino.
Ginpahayag ni City Administrator Atty. Mark Mayo nga may 134 ka classrooms nga nakaangkon sang major damage samtang 189 naman ang may minor damage. Suno kay Mayo, indi magamit ang mga classroom nga nagkalaguba. Ginpangitaan sang masayluhan ang mga klase nga apektado.
Ginpahayag man ni Mayo nga padayon ang assessment sang syudad kag ang pagplano sang mga aksyon upod sa mga school officials kag engineers agud masiguro nga mabalik sa normal ang klase sa mas madali nga panahon.
Ginapasalig niya nga wala sang estudyante nga mabutang sa peligro samtang gina obra ang mga repair works, kag padayon ang koordinasyon sa DepEd kag ang syudad.*