Alkalde sang Bacolod ang nagapangabay sa health workers nga palabaan ang pasensya.
Ini kasunod sa pag-issue sang siudad sang show cause order sa duha ka mga duktor sa City Health Office bangud sa gina-alegar pagpamuyayaw sa mga staff kag insensitive nga mga pahayag sa isa ka rape victim nga pasyente.
Suno kay Mayor Greg Gasataya, iya naintsindihan ang kakapoy sang mga health workers, apang ginapangabay niya nga atubangon nila ang mga pasyente sang eksakto bangud may mga ginabatyag man ang mga ini.
Dugang sini, ginatinguhaan sang siudad nga mapaayo pa gid ang health services para sa mga pumuluyo, rason nga iya ginapangabay ang mga health workers.
Bilang bulig naman sang siudad sa mga health workers, natalana nga i-release sang siudad ang 75 tubtob 80 million pesos nga allowance budget para sa mga doctors, nurses, kag barangay health workers antes ang semana santa.
[sibwp_form id=1]