Nagpasalig sang suporta sa pamilya sang napatay nga si Efren Banaglorioso si Bacolod City Mayor Greg Gasataya.
Ini sa ginpagwa nga statement sang alkalde.
Si Banaglorioso ang empleyado sang Bacolod Cosmopolitan Christian Church sa sulod sang 37 ka tuig kag sang Domingo sang aga samtang naga tindog sa gwa sang simbahan gintiro siya sang lalaki nga nagasakay sa SUV.
Napatay ang 59 anyos nga biktima kag wala man ini sang kun ano nga record sa PNP kag barangay.
Ang PNP ang naga duda nga basi bikima lang siya sang mistaken identity.
Gani nagpasalig ang alkalde nga ipadalman sang Bacolod City Police Office ang imbestigasyon sa kaso kag manabat ang dapat nga manabat.
Para kay Gasataya wala niya gina tolerar ang amo pag pamatay kag indi siya luyag nga magpabilin ang kahadlok sang publiko sa sini nga klase sang insidente.
Dugang pa niya magahimo sila sang tikang para mapabailin ang kalinong sa siudad.