Antes pa man ipatuman ang pag close sang Emergency Room sang Corazon Locsin Montelibano Memorial Regional Hospital siguraduhon nga naplastar ang tanan.
Ini suno kay Bacolod Mayor Greg Gasataya sa tunga sang pila man ka mga concern nga ginpadangat may kaangtanan sa temporaryo nga pag sira sang ER sang CLMMRH para sa renovation.
Suno kay Mayor Gasataya may mga coordination meetings na nga gin patuman.
Dugang pa niya may simulation exercise man nga ipatuman para makit-an kun masarangan ukon indi labi na nga madamo sang pasyente nga gina cater sang ER sang CLMMRH.
May plano na ang CLMMRH angut diri kag sila ang maga take charge sang referral system suno kay Gasataya.
Isa sa mga concern amo nga basi puno man ang mga ER sang mga pribado nga ospital.
Pagadal-on sa mga pribado nga ospital ang mga CLMMRH ER patients.
Kun ang gina kahangaw-an naman ang balayran suno kay Gasataya nag pasalig na ang national government bahin diri.
Sumugod sa bulan sang Setyembre isira ang ER sang CLMMRH para sa 92 million pesos nga renovation project.