Motion for Reconsideration nga gin-file ni Moises Padilla Mayor Ella Garcia-Yulo angut sa kaso administratibo batuk sa iya ang gin-deny sang Ombudsman.
Sa September 25, 2025 nga desisyon sang Ombudsman, gin-affirm sini ang damlag pa pamatbat nga gin papanaog kay Garcia-Yulo, Civil Registrar-Designate Archie Montelibano kag Licensing Officer Warren Jocson nga guilty sa pagsupak sang Section 21 (e) sang Republic Act 11032 sang Ease of Doing Business Law.
Ang kaso nag-ugat sa reklamo nga gin-file sang negosyante nga si Ramona Villaflor nag nag akusar sa mga opisyales sang unreasonable delay sa pag process kag pag renew sang business permit para sa 2023.
Suno sa Ombudsman may yara sang nagakaigo nga ebedensya sa pag pamatuod nga ang mga respondent napaslawan sa pag patuman sang tikang sa prescribed processing time.
Ang kada respondent ang gina manduan nga mag bayad sang multa nga equivalent sa ila anum ka bulan nga sweldo nga pwede ma deduct sa ila nga retirement benfits, leave credits ukon ano man nga balatunon nila.
Suno kay Mayor Garcia-Yulo ila nga gina respeto ang desisyon sang Ombudsman.*