Ginapaabot ang pagpanumpa balik nanday Mayor Salvador Escalante, Jr., sang Cadiz City kag Manuel Escalante, III, sang Manapla sa LAKAS-CMD.
Suno kay Mayor Manuel Escalante, III naga hulat na lamang sila sang abiso ni Second District Congressman, Alfredo Maranon, III, bahin sa kun san-o matigayon sila maka panumpa balik sa partido LAKAS-CMD.
Daan na sila nga miembro sang LAKAS pero sang tion ni Presidente Rodrigo Duterte sila ang nag-upod panumpa sa PDP-Laban upod man sa mayoriya sang ila nga partido.
Damlag pa ginsiling na ni Mayor Bading Escalante nga wala nila napat-od kun bala nabaton gid man sila sa PDP-Laban labi na nga wala man sang dokumento bahin sa ila nga membership ang nabalik sa ila.
Suno kay Mayor Manolet sang ila nga na check sa LAKAS-CMD naga pabilin pa sila nga duha ni Mayor Bading bilang miembro sang partido.
Pero ila nga ginpakamaayo nga manumpa na lamang liwat.
Mahimo sa madason nga semana may schedule na bahin sa ila nga pag swear-in.
Ginapaabot man nga maga upod sa ila sa LAKAS si Toboso Mayor Madonnah Jaojoco.
Maga-upod man sa ila suno kay Mayor Manolet ang katapo sang ila nga konseho.
“Pag check namon member pa gid kami sang LAKAS, pero sige mag take oath lang kami kay basi ma confuse sila bala pag take oath namon kay Duterte. Gusto man namon islan kay ang amon ngalan sa LAKAS Manolet Escalante kag Bading Escalante”, suno kay Escalante.