Ginkumpirma ni Mayor Salvador Escalante ang pag gwa sang iya nga ngalan para sa vice gubernatorial race sa 2025.
Suno kay Escalante isa lamang ini sa mga posible nga matabo.
Bisan gani ang ngalan nanday Congressman Alfredo Maranon, III kag Vice Mayor Rafael Cueva ang gina float man.
Paathag niya sa pulitika wala sang definite gani sarang magkambyo ang tanan sa ano man nga tion.
Bisan gani sa bahin ni Vice Governor Jeffrey Ferrer, suno kay Escalante, sarang niya tapuson ang iya nga term bilang bise gobernador.
Pero indi man madula nga mahimo sya ang maga bulos sa iya tiayon nga si 4th District Congresswoman Juliet Ferrer nga karon yara man sa iya nga last term.
Klaro naman ni Escalante, ang ginasiling pagpang agda kay Governor Eugenio Jose Lacson nga mag upod sa UNeGa ang nag gwa lamang kag indi man seryoso ang pagtalakay sini bangud nagapabilin man nga mabakod ang coalition sang Love Negros kag Unega.
Indi man gani mapat-od kun ano ang mangin epekto sini sa coalition kun matigayon.
Samtang, ginsiling man ni Escalante nga sang ila pagkit-anay in Mayor Javi Benitez sa Dinagsa Festival wala man ini nakasabat sang pat-od kun interesado ini para sa gubernatorial ukon vice gubernatorial post magluwas na lamang nga ini ang padayon pa nga naga learn ukon naga tuon sa iya nga trabaho.
Ginsiling na ni mayor Albee Benitez nga indi maga papili si Mayor Javi bilang gobernador.
“These are possibilities. Indi ta ma deny. Indi man ko gusto mag manhid sa inyo, ma deny. The best thing to do is ma deny. But then again, ga float na ina na mga istorya, ga float man gani na mga istorya si Congressman Thirdy, si Congressman Bebo, or gina push man sang party, but wala pa ka convene ang UNegA and for that matter ang coalition with regards sa vice gubernatorial race. Basi you know, wala ta kabalo basi ya si vice gov mahambal na tapuson ko ni vice gov ko, ma governor ko after”, suno kay Esclante.