Nag tanyag na sang cash reward nga 200,000 pesos si Hinigaran Mayor Nadie Arceo sa kun sin-o man ang makatudlo ukon makahatag sang impormasyon tuhoy sa suspek sa pag patay sang sabado sa tricycle driver nga si Leonardo Espinosa sa Barangay 1 sa banwa.
Ang biktima ang utod sang body guard ni Mayor Arceo.
Sa karon wala pa sa gihapon sang suspek ang Hinigaran PNP sa natabo nga pagluthang kay Espinosa kun sa diin may tatlo man ka mga bystander ang nasalabat.
May mga CCTV naman nga natan-aw ang mga pulis apang indi klaro gani sila ang naga usisa pa sang iban nga mga CCTV sa area.
Isa sa anggulo nga gina tan-aw karon sang pnp amo ang pag timalos sang pamilya sang biktima nga naka away sadto sang pamilya ni Espinosa.
Pero wala pa man sang ebidensya suno sa pulis gani padayon karon ang imbestigasyon sang pnp kasubong pag tan-aw sa iban pa nga anggulo.