Bacolod City Mayor Albee Benitez nagpagwa sang pahayag nga wala siya sang gina-endorso sa mga luyag magkandidato nga konsehal nga pili-an sa convention sang Asenso Bacolod.
Mga Asenso leaders ang magapili sa duha sa anum ka mga luyag magkandidato sa pag kakonsehal nga ilakip sang Asenso Bacolod sa line-up sang 2025 elections.
Ini ang pagklaro ni Mayor Albee Benitez nga nagpahayag nga wala siya sang gina-endorso para sa natalana nga convention sa Setyembre 15.
Taliw-as ini sa mga pahayag nga may napili na grupo antes pa man sang aktwal nga botohay sa Domingo.
Ang Asenso Bacolod ang may masobra 27,000 ka leaders nga amo ang magapili sang duha ka mga kandidato nga idugang sa line-up.
Ang alkalde ang nagpanugyan na sa mga Asenso leaders nga seryosohon ang pagdesisyon sa pagpili sang kandidato nga ila ginapatihan magadala sang pagbag-o kag kaayuhan sa siudad.