Mayor Albee Benitez mangin kaupod ni Presisdente Ferdinand Marcos, Jr., sa state visit sa Japan.
Sa Pebrero 8 liwat nga mangin kaupod ni Presidente Marcos si Bacolod City Mayor Benitez sa iya state visit sa Japan.
Suno kay Benitez, kasubong sang ila pagbisita sa China, magapangita siya sang posible dugang nga investors kag investment sa bahin sang tourism, manufacturing kag Information Technology para sa Bacolod.
Ang Chinese firm nga Jiangsu Fengshuen New Energy Power Technology Corporation isa lang sa mga kumpanya nga karon nagaplano magtukod sang P10B electric vehicle plant sa siudad.
Gindugang sang alkalde nga sa iya man pagbisita sang presidente sa China, may pila man ka mga grupo kag kumpanya ang nagpabutyag sang interes para mapondohan ang Panay-Guimaras-Negros Bridge project nga ginalauman masuguran sa idalom sang Marcos administration.