Mayor Albee Benitez nagapanawagan sa Pag-IBIG nga padasigon ang pagproseso sang mga housing application para sa ginapatuman nga Pabahay Program.
Antes pa man sang State of the Nation Address ni Presidente Ferdinand Marcos, Jr. sa Hulyo plano sang Bacolod LGU upod sa Department of Human Settlement and Urban Development nga ma turn-over na sa mga benepisyaryo ang Asenso Yuhum Housing units sa Barangay Vista Alegre.
Ugaling indi pa sa karon matigayon ang pag-award sang iban pa nga housing units bangud wala pa ini ma-take out sang Pag-IBIG.
Ginsiling ni housing cluster head Rodel Parcon nga nagapangayo sang assurance ang Pag-IBIG gikan sa LGU antes approbahan ang may masobra na sa 400 ka mga housing applications nga na-submit sang siudad.
Gani nanawagan na si Mayor Albee Benitez nga padasigon sang Pag-IBIG ang pag-proseso sang mga housing application agud tigayon na nga ma-take out kag ma-award ang mga na-construct nga housing villages sang Pambansang Pabahay program sang DHSUD.