Bacolod City Mayor Albee Benitez natalana makigsapul sa management sang MORE Electric and Power Corporation sa masunod nga semana may angut sa gina propose nila nga joint venture agreement sa Ceneco.
Wala naga bag-o ang panindugan sang alkalde sang Bacolod.
Magapabor siya sa Joint Venture Agreement ukon JVA sa tunga sang MORE kag Central Negros Electric Cooperative kun mapasalig sang MORE ang mas manubo nga bili sang kuryente, wala sang brownout kag ang pag gamit sang renewable energy.
Ang MORE Electric Power Corporation ang isa sa mga nagpadala sang unsolicited proposal sa Ceneco kag gintugyan ini sang Ceneco management sa National Electrification Administration para sa komento kag guidance.
Magluwas sa MORE nagpadala man sang unsolicited proposal sa Ceneco ang Manila Electric Corporation ukon Meralco.
Pero may mga empleyado sang Ceneco na nga naga pabutyag sang pagpamalabag sa JVA sang Ceneco kag sang private firm.
Suno sa alkalde handa siya mamati sa More kun ano ang ila mangin proposal sa Ceneco kag luyag man sang alkalde nga mabatian ini sang publiko.