Mayor Albee Benitez magahulat sang rekomendasyon sang Drrmo kag konseho angut sa pagdeklara sang state of emergency tuga sang extreme heat index.
Duha ka adlaw nga wala sang klase sa mga pampubliko kag pribado nga eskwelahan sa elementary kag high school sa Bacolod.
Ginpahayag ni Mayor Albee Benitez nga ang pagsuspend sang klase kabahin sang precautionary measure agud maamligan ang mga estudyante sa mainit nga panahon ilabi na nga nagalab-ot sa 41 degree celsius ang heat index ukon ang init nga mabatyagan sa lawas base man sa forecast sang DOST-Pag Asa.
Sang Biyernes sang hapon gin anunsyo ang una nga pag suspend sang klase sa siudad tungod sang mainit mga panahon.
Nagpanugyan na ang alkalde sa Dep Ed angut sa pagpatigayon sang hybrid learning system.
Ginahulat na lang ni Mayor Albee ang rekomendasyon gikan sa Disaster Risk Reduction Management Office kag konseho angut sa posible pag deklara sang state of emergency.
Sa pagsinapol sang katapo sang El Niño task force ginhinyo ang mga kabarangayan nga magsubmit sang assessment report angut sa epekto sang tig-ilinit.
Ang City Agriculture Office ang nag report sang masobra sa P157,000. nga halit sa pananum sa Barangay Alangilan.