Lunsay gin-kondenar sang mga lideres sang probinsya nalakip na si Bacolod City Mayor Albee Benitez ang nagluntad nga pagpaniro sa siudad sang Silay nga ginkamatay sang duha ka mga persona kag pagkasamad sang pito ka iban pa kaina sang aga, Mayo 12.
Handa man ang alkalde nga magbulig sa mga biktima ilabi na sa mga nakaluwas sa katalagman. Indi malipod nga paagi sa isa ka ginapatihan troll account sa social media gin-ulamid ang lider sang Asenso group pati na ang iya anak nga si incumbent Victorias City Mayor Javier Miguel Benitez sa natabo nga pagpaniro.
Para sa alkalde indi nila ini pagpabay-an lang.
Si mayor Javi naghinyo na sang bulig sa NBI para matumod kag mapasakaan sang kaso ang responsable sa dummy account.
Para sa iya indi lang ini makabig nga political noise kundi isa ka seryoso kag makatalagam nga kabutigan.