Kada MassKara Festival daw nangin peak season na suno kay Mayor Albee Benitez ang pagsulod sang supply sang iligal nga droga.
Gani humalin pa sang nagliligad nga tuig padayon ang hugot nga monitoring kag anti-drug operation sang mga otoridad kabahin na diri BCPO kag PDEA.
Humalin sang weekend, naglab-ot na sa kapin
P9.2M ang balor sang iligal nga droga ang nakumpiskar sa separado nga anti drug operation sa Bacolod.
Nagapati ang alkalde nga gikan sa gwa sang Bacolod ang supply sang droga nga ginapasulod sa siudad.
Gani maga-coordinate siya sa pamunuan sang Department of the Interior and Local Government agud nga mapunggan ang pagsulod sang supply sang iligal nga droga sa siudad.
Ang Bacolod City Police Office ang nagapatuman sang reward system nga ginapatihan sang alcalde nga pwede man magamit agud mas mapabaskog ang kampanya kontra iligal nga droga.