Mayor Albee Benitez kag incumbent Councilor Claudio Puentevella ginapaabot mangin common candidate sang magtimbang nga political group sa 2025 elections sa Bacolod.
Nubenta porsyiento sang mga supporters ni incumbent Vice-Mayor El Cid Familiaran ang naga-suporta sa kandidatura ni Mayor Albee Benitez nga magapapili sa congressional race.
Gani ginpahayag ni Familiaran nga magluwas sa alkalde mahimo mangin common candidate man sang ila nga grupo si incumbent Councilor Claudio Puentevella nga magapapili sa pagkabise alkalde.
Pero sang Martes, nangin kaupod ni Familiaran nga nag-file sang certificate of candidacy sa mayoralty race si incumbent Councilor Renecito Novero nga nag-file man sang COC sa pagka-bise alkalde.
Kaupod niya man pito sa siyam ka mga independent aspirants nga magapapili sa pagka-konsehal.
Ginpaathag ni Familiaran nga halos kadam-an sang ila mga suporters ang yara sa idalom sang Asenso Bacolod nga ginapangunahan ni Abang Lingkod Partylist representative Stephen Paduano.
Si Paduano nga kaalyado ni Benitez ang nag-endorso sang kandidatura ni Familiaran.
Ginpahayag ni Mayor Albee nga may yara sila sang kinalain nga panan-awan ni Paduano sa bahin sang pagpili sang gina suporatahan nga kandidato ilabi na sang nag desisyon siya nga mag-switch kay Congressman Greg Gasataya nga mangin kasumpong ni Familiaran sa 2025 mayoralty race.