May masobra na sa napulo ka mga TV ang gin pangkuha sa mga opisina sa Bacolod City Government Center kasunod sang kontrobersyal nga litrato nga may mga empleyado nga naga lantaw sang TV samtang naga duty.
Bangud sang ginpadala nga litrato, ginpang kakas ang masobra sa napulo na tanan ka mga TV sa nagkalain-lain nga mga opisina sa bacolod city government center.
Suno kay City Administrator Pacifico Maghari, III, kalabanan sa sining mga TV ginpang issue sa peak sang pandemic para sa mga online meetings.
133 tanan ka mga TV ang yara sa nagkalain-lain nga mga departments.
Sang nagligad nga semana sang ginpadala kay Mayor Albee Benitez ang litrato sang lima ka mga empleyado nga naga lantaw sang TV samtang naga duty.
Gani ginmando gilayon ang pagkakas sang mga TV.
Suno sa alkalde ipang saylo ang mga TV kun sa diin magamit ini kag indi maka sabad sa mga empleyado.
Tun-an man nila ang pagbutang sini sa mga eskwelahan.