Pito lang ka mga barangay ang nag-compete sa MassKara Festival 2024 street and arena dance competition pero nakabig ni Mayor Albee Benitez nga dekalidad kag pang-international ang ila sini nangin performance sa Paglaum Sports Complex sang nagligad nga Domingo.
Gani sa madasun nga tinuig, ginaduso sang alkalde ang pagpatigayon sang open category agud ma-imbitar ang iban pa nga LGU kag pungsod sa tuigan nga kompetisyon.
Nagapati siya nga ang makaganyat sang dugang pa nga mga turista kag mapasaka ang MassKara Festival sa international status.
Gindugang sang alkalde nga kun basehan ang record-breaking nga kadamuon sang mga tumalan-aw sa mga ginhiwat nga events possible nga malabawan pa ang nalab-ot nga local income sang nagligad nga selebrasyon.
Sa record sang Department of Tourism kapin sa P3B ang naganar nga income sang tinalikdan nga MassKara Festival sa Bacolod.