Mayor Albee Benitez nagpahayag nga wala sang signal jamming sa MassKara Festival.
Apektado ang negosyo kag pati mga transaction kun may signal jamming.
Gani ginpahayag ni Mayor Albee Benitez nga indi na ini ginakinahanglan nga ipatuman karon nga MassKara Festival.
Masami ginapatuman ang signal jamming sa mga festival sites kun magbisita ang president.
Ginkumpirmar na sang alkalde nga indi makatambong sa tuigan nga selebrasyon sanday Presidente Ferdinand Bongbong Marcos kag First Laday Liza Marcos.
Pero ang ila anak nga si Ilocos First District Congressman Sandro Marcos ang magabisita para sa MassKara Festival.
Nagpasalig man ang pamunuan sang Bacolod Yuhum Foundation nga wala sang ikabalaka ang publiko samtang ginahiwat ang tuigan nga selebrasyon.
Ang Bacolod City Police Office upod sa iban pa nga enforcement agency ang nagtalana sang masobra 1,800 ka mga security forces agud mapabaskog ang kampanya sa peace and order karon nga bulan sang Oktubre.
Magluwas sa pagpatuman sang citywide gun ban tubtob Oktubre 27, ginadumilian naman ang pagdala sang mga patalum bottled softdrinks kag alcoholic drinks kag bisan backpacks sa mga festival sites.