Nagbalik sa Burgos Market si Mayor Albee Benitez para liwat nga atubangon ang mga vendors nga sadto anay nagpamalabag sa plano nga matukod ang bag-o kuntani nga merkado.
Ginpabutyag sang alkalde ang iya kalain sang buot pero liwat niya nga gin-ayo ang mga vendors sang ila mangin plano para sa merkado.
Gindugang niya nga paagi sa “People’s Plan” gikan mismo sa mga vendors tuyo niya nga ini ang matagaan sang prayoridad sa bulig sang national government.
May P525M ang gintalana sadto nga pondo sang Bacolod LGU para sa ginplano nga New Burgos Public Market.
Ugaling ginbalabagan ini sang mga vendors kabangdanan nga gin re-allocate sang alkalde nga pondo gikan sa loan agreement para sa iban nga mga priority infrastructure projects sang siudad.