Mayor Albee Benitez upod sa pila pa ka mga city officials ang magasaylo sa Partido Federal ng Pilipinas.
Kabahin si Bacolod City Mayor Albee Benitez sa 60 ka mga katapo sang PDP-Laban party sa probinsya nga nagresign sang Mayo.
Ginsiling sang alkalde nga matapos ang pagpanumpa sang masobra 200 ka mga bag-o nga katapo sang Partido Federal ng Pilipinas kahapon, posible siya ang magasunod man upod sa pila ka mga city officials.
Nag-upod sa mass resignation ang alkalde sa pagpati nga wala man sila ginapahibalo sa mga plano sang anay partido.
Ginahibalo pa ni Benitez kun ano ang preference sang iya mga kaalyado sa Asenso Bacolod antes sang ginapaabot nila nga pagpanumpa sa partido.
Ang PFP ang ginakabig anay sang alkalde nga amo ang bag-o nga uniteam.