Kasubong sang nagligad nga tuig, itugyan ni Mayor Albee Benitez sa Bacolod Yuhum Foundation ang pag-negotiate sa pamunuan sang Diocese of Bacolod may kaangtanan sa pagpasiguro nga mapaiway na ang pagtukod sang mga kiosko sa Bacolod Public Plaza.
Ginsiling sang alkalde nga indi niya luyag nga magbutang pa sang mga kiosko sa plaza samtang ginasuguran sang TIEZA ang pag rehabilitate sang mga water fountain.
Ang simbahan ang naghinyo liwat sa konseho nga matugutan ang pag-organize sang summer trade fair sa dalan Rizal kag Gatuslao.
Masami ini ang ginapatigayon agud makatipon sang pondo ang simbahan para sa mga outreach programs.
Gintinguhaan naman sadto sang Bacolod LGU paagi sa Yuhum Foundation nga mabuligan ang simbahan sa ila mga tinutuyo.