Pinaagi sa iya legal counsel nga si Atty. Peter Sanchez ginpanginwala sang alkalde ang gina-alegar economic kag psychological abuse nga ginapabutyag sang misis nga si Dominique Nikki Benitez may kaangtanan sa ginpasaka sini nga kaso angut sa pagsupak sa anti-Violence Against Women and Their Children Act.
Suno kay Sanchez wala sang basis ang mga alegasyon batuk sa alkalde makaligad nga ini ang nagfile sang annulment sa kasal sang 2024.
Ang reklamo ang humalin pa sang nagligad nga 21 ka tuig.
Gindugang sang abogado nga kabahin sa mga high value property kaangay sang balay gintugyan sang alkalde kag nakapangalan sa iya misis.
Nalakip na diri ang mga luxury cars, condo units kag investments sa publicly listed shares. Ini apesar sang juidicial dissolution sang ila property regime sang 2004.
May mga personalidad nga nahingadlan bilang third party sa napasaka nga kaso nga suno sa abogado nagakaangay nga mapabilin nga confidential sandig sa Republic Act 9262.
Dugang pa sa pahayag ni Sanchez nga tuyo sini nga malisa ang atensyon kag gatungan ang sentimiento sang publiko pabor sa tag-reklamo.
Ang alkalde ang nagapabilin nga cooperative sa legal proceedings kag nagasalig nga ang mga ebidensya nga nagalakip sang financial records, property, documents kag testimonies ang maga pamatuod nga ang mga akusasyon batuk sa iya sala kag vindictive.