Position paper bahin sa gina lantaw mahimo joint venture sa tunga sang LGU kag power producer sa tuyo nga mas mapabarato sang bili sang kuryente ang gina paabot.
Suno kay Negros Occidental Governor Eugenio Jose Lacson nga isa sa mga yara nagtambong sa pagtililipon sang mag abot si Presidente Ferdinand Marcos, Jr., sa Bacolod sang Domingo, ginhatagan si Mayor Albee Benitez sang instruction sang presidente.
Suno kay Lacson, iga submit ang amo nga position paper sa Energy Regulatory Commission ukon ERC, para mapat-od kun bala ang gina duso nga joint venture possible nga matabo.
Damlag pa ginsiling ni Benitez nga sa ila pagsapol sa nagkalain lain nga tiglawas sang mga power producers, electric cooperatives kag iban pa nga stakeholders, nga kun direkta nga makakuha sang supply gikan sa power producers labi na sa renewable energy mahimo nga mapanubuan sang tres pesos ang bili sang kuryente labi na nga wala sang VAT ini.
Sa press release sang Office of the Press Secretary, ginsiling ni Benitez nga wala ginatugutan sa idalom sang EPIRA ang direkta nga pagbaligya sang producers sa mga user. Ginsiling sang presidente nga dapat kuhaon sang siudad ang opinion sang ERC bahin diri.