Wala man napunggan ni Bacolod Mayor Albee Benitez ang pagkadismaya tuga sang delay sa iya pagbyahe sa Cebu Pacific pabalik sa Bacolod kagab-i.
Inoras nga na-stranded siya sa airport upod sa pila pa ka mga pasahero.
Wala pa gid naga palarehos ang gina pagwa nga departure time sang airline company sa sulod sang airport kag naga kambyo-kambyo ang mga gate assignments.
Pigaw ang information dissemination suno sa alkalde.
Suno sa alkalde nagpakig angut na sa iya ang Cebu Pacific kag nagpasalig nga tagaan atensyon ang kakulang sang information dissemination kag pagtatap sang airline staff sa mga naperwisyo nga pasahero.
Nahangpan sang alkalde nga mahimo apektado ang serbisyo sang airline tuga sang Bagyo Egay ugaling wala man sang kasubong nga problema nga na eksperyensya ang mga pasahero sang iban nga airline company.