Sang kagab-i nag amat-amat na saylo ang pila ka mga vendors sa sulod sang New Sum-ag Public Market.
Matapos nga mabutangan sang power supply ang merkado, ginsiling ni Punong Barangay Rodney Carmona nga sarang na masudlan sang vendors ang merkado matapos nila mapatinlu-an.
Kaina sang aga may mga naga baligya na sang manok, panakot kag utan sa sulod sang bag-o nga merkado.
Ang iban nagapabilin sa gihapon sa gwa. Istorya sang mga negosyante, gina amat amat pa lang nila saylo ang ila nga mag pagkabutang.
Isa sa mga gina lantaw nga benepisyo kun tigayon na nga maka saylo sa sulod sang bag-o nga merkado ang mga vendors amo nag mapa hagan-hagan na ang guot sa trapiko.
Ang iban abi sa mga naga baligya ang halos naga okupar na sang porsyon sang dalan.
Ang mga bumalakal ang naga okupar naman sang porsyon sang dalan kag ang mga may salakyan naga hazard lang sa higad sang karsada.
Suno sa mga vendors sa Miyerklues gina lantaw nila nga halos tanan sila makasaylo na sa sulod sang merkado.
May parking spaces nga gintalana sa atubang sang bag-o nga merkado kag sa ibabaw may parking space pa gid.