Transport group nga BACOD, KNETCO kag UNDOC nagpatuman sang transport strike agud ihinyo ang extension sa deadline sang franchise consolidation sa jeepney modernization program. Taguri lang nga nagabyahe ang masobra isa ka libo nga katapo sang Bacolod Alliance of Commuters Operators and Drivers para mapatigayon ang pag untat byahe sini nga hapon.
Dungan sini ang ginhiwat nga transport caravan halin sa Barangay Singcang-Airport.
Sini na nga Abril 30 ang deadline sang consolidation kag ang ulihi nga pagbyahe sang traditional jeepney sandig sa deklarasyon ni Pres. Ferdinand Marcos, Jr.
Ginsiling ni Rudy Catedral, Chairperson sang BACOD – KAMBYADA, nagakaangay ang pag extend sang deadline agud matun-an pa sang maid-id ang Public Utility Vehicle Modernization Program tuga man sang epekto sini sa transport industry.
Nagapanawagan siya sang bulig pati sa mga taxi kag tricycle drivers nga apektado ang palangabuhian.
Ang grupo nga KNETCO kag Undoc nagrally man sa Talisay City kag nag caravan pakadto sa Bacolod.
Nanawagan sila para sa rehabilitasyon sang mga traditional jeepney.
Samtang indi mag upod sa amo nga lihok ang katapo sang grupo nga SSTONE kag FEBACDA, kabahin sa dalagko nga transport organization nga magapadayon sa pagbyahe.