Gin anunsyo na sang Department of Energy ang mangin dalagan sang presyo sang diesel kag gasolina sa Martes, Oktubre 13, 2026.
Ang diesel ang may rollback nga tres pesos kada litro pero ang gasolina kag ang kerosene may pagsaka sa presyo. Masobra sa P1.50 nga saka sa gasoline kag masobra sa P1.70 naman sa kerosene.
Suno kay Rino Abad, ang DOE Director para sa Oil Industry Management Bureau, limitado sa gihapon ang supply sang produkto petrolyo.
Nagbarato ang diesel kay ginkasugtan sang nagligad nga semana sa G7 meeting sang member countries ang pag release sang 100 million barrels sang petroleum supply kag prayoridad diri ang diesel.
Nasundan pa ini sang kasugtanan sa tunga sang US kag Russia nga pag release sang Russian diesel export sa US Market para magkalma ang global market.
Sa idalom sang sini nga kasugtanan may yara pa sang masunod nga batch sang diesel nga ipasulod sa bulan sang Nobyermbre kag sa masunod nga binulan.
[sibwp_form id=1]