Mabunok nga ulan kahapon ang nagdala naman sang pagbaha sa pila ka bahin sang probinsya.
Sa Sipalay City may pagsaka sang tubig sa pila ka mga lugar sa Sitio Guiwanon, Brgy. IV.
Suno kay Dionilo Bogtae ang pamuno sang SEARS, naglab-ot sa hawak ang kadalumon sang tubig tuga sang flash flood sa pila ka bahin sang amo nga sitio. May pagbaha man sa mayor nga dalan sa Poblacion.
Sa Cauayan naman may pagbaha sa brgy tuyom kag man-uling. Suno kay Mayor John Ray Tabujara mga isa ka oras kag nga nagsubside ang tubig tuga sang flash flood.
Minor flooding naman ang ginreport sa banwa sang Ilog sa bahin sang national highway sa brgy dancalan kag sa isa ka sitio sang Brgy Calubang. Wala man nag-awas ang Ilog River suno sa pamuno sang DRRMO nga si Gideon Padilla.
16 naman ka pamilya sa Silay City ang apektado sang pagbaha suno sa PDRRMO.
May pagbaha man sa mga dalanon sang San Carlos City.
Suno sa PDRRMO wala sang may gin report evacuate kag gilayon nga nagsubside ang tubig pero dapat mag aligmat sa gihapon labi na ang sa mga nanubuan na bahin bangud may pagbunok sa gihapon sang ulan nga ma eksperiensyahan.