Masobra sa 424 percent ang ginsaka sang kaso sang hand foot and mouth disease ukon HFMD sa Negros Occidental.
Ini base sa datus nga gin release sang Provincial Health Office as of July 19.
Humalin Enero tubtob sa tunga-tunga sang Hulyo, may 1,327 ka HFMD cases sa Negros Occidental.
424.51 percent ini nga nagsaka kun ipanggid sa kasubong nga tion sang 2024.
Ang siudad sang Bago ang may pinaka madamo nga kaso nga na-record – 355.
Sa mga apektado kadam-an diri yara sa 1 to 10 years old nga age group.
Padayon ang pahanumdom ni Dr Girlie Pinongan ang Provincial Health Officer, nga indi pag kalipatan ang pag panghugas sang kamot labi na sa mga kabataan bilang panguna nga tikang nga malikawan ang amo nga viral nga balatian.
Labing makalalaton ini. Pila sa mga sintoma amo ang pag hilanat kag rashes sa kamot, tiil kag daw mga init-init sa baba.
