Dengue cases sa probinsya ang nagsaka. Pero labing ginatutukan karon ang mga LGU sa sur sang probinsya.
Sa datus sang Provincial Health Office, humalin Enero tubtob Hunyo 29, may 712 ka dengue cases nga na record.
7.55 percent ini nga mas mataas kun ipaanggid sa kasubong nga tion sang 2023 nga may na record nga 662 cases.
May tatlo naman ka dengue related deaths.
Suno kay Dr Girlie Pinongan, gina tutukan nila ang banwa sang Hinoba-an kag Sipalay Clity sa sur sang probinsya bangud sang pagsaka sang ila nga kaso.
May 70 ka dengue cases ang Hinoba-an kag 64 cases naman ang sa Sipalay kag isa ka dengue related death.
Suno sa Provincial Health Officer naka pakig-angut naman sila sa LGU kag nakahibalo naman ang mga opisyales.
Suno kay Pinongan sulit-sulit nila nga gina pahanumdom ang mag mangin matinlo sa palibot labi na nga indi malikawan ang pagsaka sang kaso sang dengue karon nga tig-ululan na.
“Ang amon nga gina tutukan subong ang far south – Hinoba-an, Sipalay, daw sila gin ang damo. Even ang gakadto sa hospital bala for admission. Dapat may ara gid kita intervention. Maninlo gid. Sanitation man gihapon. Subong nagsugod na ang tingulan. Basi nagpondo na ang mga tubig sa aton palibot”, suno kay Pinongan.